मन की बात - मनक गप (भाग - 1)

हौ बाबू, अप्पन मैथिल समाज के एक परंपरा छै "नै करब आर नै करे देब"

जखन नेना रही तखन हमहुँ सब मीता संग खेलैत घरी छोट - छोट गप पर पूरा खेल बिग़ैर दैत छलौ इ कही के जे "हम नै खेलबो ते तोरो नै खेला देबौ" मुदा नेना बला आदत हमसब मैथिल अंत समय तक नै बिसरैत छी।

देखू ने किछ दिन पहिने हम सब नवयुवक मिल विचार केलहुँ एक संस्था बनबी, जे संस्था विपत्तिक घरी हर मैथिल केर हर प्रकार सँ मदद क' सके, युवा अप्पन एकता देखेलाह आर "मैथिल सेवा संस्थान " संस्था निर्माणक प्रक्रिया सुरु भ' गेल। हौ बाबू, संस्था ठाढ़ो नै भेल की जे गप ऊपर कहलो "नै करब आर नै करे देब" मुद्दा ल' के किछ लोक हाजिर।

दिल्ली के एक संस्था अछि नाम नै कहब, ओय संस्था दिस सँ हमरा फ़ोन आयल जे "मैथिल सेवा संस्थान" नै चलत किएक जे अहाँ सभक पॉलिसी गलत अछि। हम हुनका कहलो यौ सरकार हम अहाँ सँ सुझाव माँगलों जे मुफ्त के सुझाव द' रहल छी ? जखन संस्था ठाढ़ होयत किछ दिन काज करत तखने ने अहाँ अंदाज लगायब जे संस्था चलत की नै चलत ? रहल पॉलिसी बला गप ते हम अपने के बता दी इ संस्था सत - प्रतिसत नवयुवक/नवयुवती के संस्था छी, आर संस्थाक पॉलिसी बनेनिहार कॉलेज सँ ल' के विदेश म' निक पद पर काज करनिहार संस्था केर सब युवा सदस्य छी। आर हमरा दृढ विश्वास अछि समाज सेवा लेल युवा सोच कहियो गलत नै भ' सकैत अछि। फोन करनिहार क' कुनु जबाब नै भेटल ओ फोन कैट देला।

दोसरे दिन एक आर संस्था बला कहैत छैथ "मैथिल सेवा संस्थान" सिर्फ फेसबुकिया आर WhatsAap तक सिमित संस्था छी। यदि नै ते संस्था एखन धरी की सब केलक देखाऊ ? हुनका हम जबाब देलहुँ "मैथिल सेवा संस्थान" के युवा शक्ति आर सोशल मिडिया एक्टिविटी सँ कही अपने सब डरा ते नै गेल छी ? जे कही मैथिल - मिथिलाक नाम पर चलबै बला अपने सभक दोकान बंद नै भ जाय ? अपने आय मैथिल सेवा संस्थान लेल पुछैत छी जे की सब काज केलक देखाऊ जखन की एखन धरी संस्था के पंजीकरण प्रक्रिया तक पूरा नै भेल छैक ? अपने सभक संस्था ते बहुत दिन सँ चैल रहल अछि अपने सभक संस्था एतेक दिन में की सब केलक कहु ? एतबा पूछै के देरी ओ जे परेला दुबारा आय धरी हुनकर दर्शन नै भेल।

एतेक देर "नै करब नै करे देब" पर अप्पन गप रखलों आब अपने के ल' चलैत छी स्वार्थी लोक दिस.....................

हम्मर एक घनिस्ट मित्र छैथ नाम नै कहब हुनका संग हम एक दोसर संस्था म' काज सेहो केना छी, चुकी ओय संस्था के हम बहुत पहिने छोइर देलहुँ ताहि लेल ओय संस्था के वर्तमान स्थिति के हमरा कनिको टा ज्ञान नै। ओ मित्र हम्मर "मैथिल सेवा संस्थान" में अप्पन निक पकर बनेबाक लेल ओय संस्था के सब अंदरुनी गप हमरा संग शेयर केलाह, हम जते सुनलो ओतहिये बिसरलों किएक जे दोसर संस्था में की भ रहल अछि ओहि सँ हमरा कुन सरोकार ?

हौ बाबू, ओय मित्र के मैथिल सेवा संस्थान में जगह देब कीछे दिन भेल की ओ संस्थाक विरुद्ध अभियान सुरु क देलाह। संस्थाक विरुद्ध जेबाक कारण इ जे हुनकर स्वार्थ के सिद्धि मैथिल सेवा संस्थान में नै भेल। आब हम असमंजस में जे अप्पन ई मित्र के कोना संस्था सँ बाहर भगाबी ? फेर एक विचार आयल किएक नै हुनका हुनके गप सँ मारी ? आन संस्था के अंदरुनी गप जे ओ हमरा कहने छलाह ओहि गप के आधार मैन ओहि संस्था विरुद्ध हम हुनका पर अप्पन प्रहार सुरु क' देलों बेचारा नाँगैर ठाढ़ करी परेलाह। बाद में पता चलल जे हमर ओ घनिस्ट मित्र दुनू संस्था में अप्पन पकर मजबूत करबाक लेल दुनू संस्था के अंदरुनी गप एक दोसर संस्था संग शेयर करैत छलाह। एखन वर्तमान में हमर ओ मित्र संस्था छोइर व्यक्तिगत रुपे अप्पन फेसबुक के माध्यम सँ हमरा पर प्रहार क' रहल छैथ। आब अपने सब कहूँ अपने एहेन स्वार्थी लोक कतो देखलौ ???

अंत में बस एतबे कहब मैथिल सेवा संस्थान एखन पूर्ण रुपे ठाढ़ो नै भेल अछि संस्था के ठाढ़ हुवे दियो 6 महीना साल भैर संस्था क' काज करे दियो तखन कियो किछ बाजब, किएक जे एक कहाबत छै यदि हम किनको ऊपर आँगुर उठबैत छी ते तीन आँगुर हमरे दिस उठत।

मिथिला - मैथिल - मैथिली प्रति प्रेम हमरा 2006 सँ अछि, एहि दरमियान जै रुपे भेल हम माँ मिथिला के सेवा केलहुँ आब मैथिलक सेवा लेल डेग उठेना छी एहि सिद्धांत के साथ जे संस्थाक माध्यम सँ यदि हम किछ नै क पेलहुँ ते अप्पन जिनगी व्यर्थ बुझब।

मनक गप में आय एतबे हम फेर मनक गप ल' के आयब, अपने अप्पन बहुमूल्य समय हमर गप सुनै लेल देलहुँ एहि लेल कोटि - कोटि धन्यवाद......

जितमोहन झा (जितू) 

राष्ट्रीय मिडिया प्रभारी 

मैथिल सेवा संस्थान 

www.maithilsevasansthan.org  

www.facebook.com/groups/maithilsevasansthan  

E- mail : info@maithilsevasansthan.org